يسقط يسقط ق**ب العسكر

جهاد مبروك جريح الثورة إلي سقا أرض هالبلاد بدمّو ستتم محاكمتو عسكريا بتهمت التقعّص عن الواجب الوطني ، يعني بالفلاّقي يحبوه يعدي الجيش و للناس إلى متعرفش حالت جهاد من أخطر حالات الجرحى إذا لم نقل أنها الأخطر على الإطلاق و أنه مهدد في أي وقت بالشلل (أن شاء الله الشر بعيد على خويا) ، لذلك أنا نعتبر أنو المحاكمة هاذي محاكمة سياسيّة بالأساس لثني جهاد عن مواصلة نضالو من أجل تحرير البلاد هاذي و طبعا هذا كان متوقّع خصوصا بعد صمودو و رفضو أنو يذل روحو للسلطة إلي نهشت من لحمو و لحمنا و عملت المستحيل باش تشوهو و هنا أخص بالذكر السيّد الوزير المحترم سمير ديلو و النائبة يامينة الزغلامي و زبانيّتهم و هاو ختمها جيشنا المفدّى إلي قال شنوّة يحمي في الثورة  ،  طبعا كل هذا لن يثني جهاد عن مواصلة المسيرة ، جهاد إلي يلهمنا بصمودو و عزيمتو و يعطينا كل يوم الدفع باش نواصلو المسيرة و ذلك برفضو أنو يتخلى على حلمو و يكون مجرّد جوكار رابح في الحملات الإنتخابيّة لأحزاب الكاكاويّة و الجمعيّات الإنتهازيّة رغم الألم إلي يعاني فيه كل يوم .
و في النهاية نحب نحي جهاد و نقلو يا جبل ميهزّك ريح و غدوة قدّام المحكمة سكون شعار المرحلة " يسقط يسقط ق**ب العسكر "

تحيّاتي لشعب النعام